ఆంగ్లంలో వేదాంతాన్ని Philosophy అంటారు. గ్రీకులో దీనికి అర్థం 'Love of wisdom' అని అర్థం. అంతే కాదు study of the ultimate reality,causes and principles underlying being and thinking అనే అర్థాలున్నాయి.
ఆత్రేయ గొప్ప వేదాంతి. ప్రతివిషయాన్ని వాస్తవిక దృష్టితో ఆలోచించి సంభాషణలను సమకూరుస్తారు. "వేదాంతం, వైరాగ్యం ఒంటపడితే చాలా ప్రమాదం. వాటి జోలికిపోకుండా ఉంటే చాలా మంచిది. అవి మనిషిలోని కార్య దీక్షను, గట్టి విశ్వాసాలను దెబ్బతీస్తాయి" అని ఆత్రేయ ఒకచోట అంటారు. ఇటువంటి వేదాంత సంభాషణలను అవసరమైన సన్నివేశాలలో పాత్రలచేత చక్కగా పలికించారు ఆత్రేయ."ప్రేమనగర్" చిత్రంలో తమ ఎస్టేట్ భూములను తన పి.ఎ.గా చేరిన లలితకు పరిచయం చేస్తూ హీరో కళ్యాణ్ మాట్లాడాల్సిన ఆ సన్నివేశానికి చాలా సహజంగా తాత్వికంగా ఆత్రేయ సంభాషణలను సమకూర్చాడు. ఈ సన్నివేశంలో వేదాంతాన్నే కాదు, ధ్వనిని,వ్యంగ్యాన్ని ఉపయోగించి సంభాషణా అభివ్యక్తిని శక్తివంతంగా సాధించగలిగారు మన'సు'కవి ఆచార్య ఆత్రేయ.
No comments:
Post a Comment